गन्तव्य मुलुकमा सूचना प्रविधिको प्रयोग
 
टेलिफोन एवम् मोबाइलको प्रयोग

रोजगारीका लागि गन्तव्य मुलुकमा पुगेपछि आफूसँग रहेको मोबाइलमा सो मुलुकमा रहेको उपयुक्त मोबाइल कम्पनीको सिम कार्ड राखेर मोबाइल चलाउन सकिन्छ |  आफू विदेशमा रहँदा परिवारका सदस्यहरूसँग नियमित रुपमा सम्पर्कमा रहनु पर्दछ | रोजगारीका क्रममा विदेशमा रहँदा नेपालमा फोन गर्नुपर्ने भएमा नेपालमा आफूलेले फोन गर्ने नम्बरको अगाडि ००९७७ लेखेर फोन नं वा मोबाईल नं डायल गर्नुपर्दछ । यदि ल्याण्डलाईनबाट फोन गर्नुपर्ने भएमा आफ्नो जिल्लाको एरिया कोड ००९७७ पछि डायल गर्नुपर्दछ । उदाहरणका लागि काठमाडौंको कुनै ल्यान्डलाईन नम्बरमा फोन गर्नुपर्ने भएमा ००९७७ र १ पछि सम्बन्धित फोन नम्बर डायल गर्नुपर्दछ ।
 

सामाजिक सञ्जालको सावधानीपूर्वक प्रयोग:

गन्तव्य मुलुकमा रहँदा साथीभाई, आफन्त आदिसँग सम्पर्कमा रहन र देश दुनियाँको खबर बुझ्न  फेसबुक, ट्वीटर, ईमो, भाइवर, ह्वाट्सएप, यूट्यूव, ईन्स्टाग्राम गुगल म्याप आदि माध्यमको प्रयोग गर्न सकिन्छ | विभिन्न सामाजिक सञ्जाल तथा अनलाईनमा आउने भ्रामक समाचार प्रति सजग रहुनपर्दछ ।
 

इन्टरनेट प्रविधिको प्रयोग:

फेसबुक, ट्वीटर, ईमो, ह्वाट्सएप, युट्यूव जस्ता माध्यमको प्रयोग गर्दा विभिन्न कुरामा ध्यान दिनु पर्दछ | ती माध्यममा स्टाटस लेख्दा वा शेयर गर्दा सावधानीपूर्वक गर्नुपर्दछ अन्यथा समस्यामा पर्न सकिन्छ | उदाहरणका लागि खाडीका अधिकांश मुलुकहरूमा कुनैपनि दुर्घटनाको तस्वीर वा भिडियो फेसबुक, म्यासेञ्जर, ह्वाट्सएप, ईमो वा भाइवर ग्रुप, यूट्युवमा अपलोड गर्नु वा अरु कसैले राखेमा त्यसलाई शेयर, लाइक र कमेण्ट गर्न हुँदैन । यसलाई कानून विपरितको काम मानिन्छ । यसैगरी सो मुलुकको कानून, धर्म, रीतिरिवाज विपरितका कुरा सामाजिक सञ्जालमा लेख्नुहुँदैन ।

विभिन्न एप्सको प्रयोग: वैदेशिक रोजगारका बारेमा जानकारी दिने उद्देश्यले तयार पारिएका मोबाइल एप तथा वेबसाइटबाट वैदेशिक रोजगार सम्बन्धी सुचना तथा जानकारी लिन सकिन्छ | उदाहरणका लागि श्रम, रोजगार तथा सामाजिक सुरक्षा मन्त्रालयले तयार पारेको  वैदेशिक रोजगारी एप्सबाट वैदेशिक रोजगार सम्बन्धी सुचना तथा जानकारी, उजुरी गर्ने व्यवस्था, महत्वपूर्ण सम्पर्कहरू, पुनः श्रम स्वीकृति, श्रोतहरुका बारेमा जानकारी लिन सकिन्छ ।

यसैगरी माईग्रेन्ट रिक्रुमेन्ट एडभाईजर (www.recruitmentadvisor.org) वेबसाइट तथा शुभयात्रा, उज्वल सपना जस्ता एपहरूले पनि वैदेशिक रोजगारका बारेमा यथेष्ट जानकारी दिन्छन् ।
सूचना प्रविधिको प्रयोग बारेमा नेपाल सरकारको पुर्व प्रस्थान अभिमुखिकरण तालिम प्रशिक्षक मार्गदर्शन २०७६ मा रहेको विषय ७: सम्पर्क तथा सुचना प्रविधिको प्रयोगबारे जानकारी हेर्नुहोला | सो मार्गदर्शन अध्ययन गर्न तलको लिंकमा क्लीक गर्नुहोस्

वैदेशिक रोजगार बोर्डको सचिवालय (feb.gov.np) 

Tags:-
१.सूचना प्रविधि   २. वैदेशिक रोजगारी ३. मोबाइल टेलिफोन ४. फेसबुक, ह्वाट्सएप ५. सामाजिक सञ्जाल

यी प्रशिक्षण स्रोतहरू आप्रवासी र उनीहरूका परिवारका सदस्यहरूलाई सहयोग गर्ने संस्थाहरूको प्रयोगको लागि विकास गरिएको हो। कृपया तालिमका स्रोतहरूसँग संलग्न मार्गदर्शन नोटहरू प्रयोग गर्नुहोस्

वैदेशिक रोजगारमा गएका व्यक्तिको अङ्गभङ्ग भएमा  

श्रम स्वीकृति लिएर वैदेशिक रोजगारमा गएका व्यक्तिको करार अवधिभित्रै अङ्गभङ्ग भएमा घाइते भएका व्यक्ति नेपाल फर्केको एक वर्षभित्रमा वैदेशिक रोजगार बोर्ड सचिवालयमा निवेदन दिएर आर्थिक सहायता लिन पाइने व्यवस्था छ ।
 
आर्थिक सहायताका लागि वैदेशिक रोजगार बोर्डको सचिवालय (feb.gov.np)  मा क्लीक गरी आवेदन फारमहरु डाउनलोड गर्न सकिन्छ ।
 
यसैगरी बोर्ड सचिवालयमा सम्पर्कका लागि वैदेशिक रोजगार बोर्डको सचिवालय (feb.gov.np) मा क्लीक गर्नुहोस् ।
 
Tags:-
१.वैदेशिक रोजगार  २. श्रम स्वीकृति ३. आर्थिक सहायता ४. आवेदन फारमहरु ५. करार अवधि

तथ्यांकमा महिला श्रमिक

आर्थिक वर्ष सन् १९९३/९४ देखि सन् २०२०/२१ सम्म नेपाल सरकारले ८२ लाख ४ हजार ९ सय ६२ वटा श्रम स्वीकृति जारी गरेको छ जसमध्ये ४.५८ प्रतिशत अर्थात् ३ लाख ७५ हजार ८ सय २७ वटा श्रम स्वीकृति महिला श्रमिकको लागि रहेको छ । श्रम, रोजगार तथा सामाजिक सुरक्षा मन्त्रालयले प्रकाशन गरेको श्रम आप्रवासन प्रतिवेदन २०२२ बाट यस सम्बन्धी थप जानकारी लिन सकिन्छ |
 
यसका लागि यस https://moless.gov.np/np/post/show/501 लिंकमा क्लिक गरेर प्रतिवेदन अध्ययन गर्न सकिन्छ ।

संस्थागत रूपमा पछिल्ला केही वर्षयता श्रम स्वीकृति लिएर वैदेशिक रोजगारमा जाने महिलाहरूको सङ्ख्या बढेको छ । तर भारत तथा अनियमित बाटो भएर अन्य मुलुकमा रोजगारीका लागि गएका महिला तथा पुरुष श्रमिकको तथ्याङ्क भने छैन ।

Tags:-
१.महिला श्रमिक २. श्रम, रोजगार तथा सामाजिक सुरक्षा मन्त्रालय ३. श्रम स्वीकृति ४. अनियमित बाटो ५. वैदेशिक रोजगार
 
वैदेशिक रोजगामा महिला श्रमिक: अवसर र चुनौति

वैदेशिक रोजगारमा जाने महिलाको संख्या पुरुषको तुलनामा न्यून छ । त्यसरी जानेहरु मध्ये पनि बहुसंख्यक सीप विनाको काममा जाने गरेका छन् । वैदेशिक रोजगारमा जाने महिलाले भोग्दै आएका चुनौति के छन् ? अवसरहरु के छन् ? यस विषयमा थप जानकारीका लागि तलका लिंकहरु क्लीक गरेर पढ्नुहोस् ।
 
वैदेशिक रोजगारीमा महिलाका चुनौती « (karobardaily.com)
रेमिट्यान्समा महिलाको योगदान (nayapatrikadaily.com)
 
Tags:-
१.महिला श्रमिक २. श्रम, रोजगार तथा सामाजिक सुरक्षा मन्त्रालय ३. श्रम स्वीकृति ४. अनियमित बाटो ५. चुनौति
 
महिला श्रम सहचारीको व्यवस्था: 

वैदेशिक रोजगार ऐनको दफा ६८ (१) बमोजिम एक हजार वा सो भन्दा बढी महिला श्रमिक गएको मुलुकमा महिला श्रम सहचारीको नियुक्ति गर्न सकिने प्रावधान वैदेशिक रोजगार नियमावली, २०६४ मा रहेको छ । नियमावली पढ्न तलको लिंकमा क्लीक गर्नुहोस् ।

https://moics.gov.np/uploads/shares/rules/baideshik%20rojgar%20rules%202064.pdf
 
Tags:-
१.वैदेशिक रोजगार ऐन २. घरेलु कामदार ३. वैदेशिक रोजगारी ४. लैङ्गिक विभेद ५. श्रम आप्रवासन प्रतिवेदन

 
आरक्षण तथा घरेलु श्रमिकका रुपमा काम गर्न जाने सम्वन्धि निर्देशिका

नेपाल सरकारले वैदेशिक रोजगारमा जाने महिला श्रमिकलाई विशेष सुविधा प्रदान गर्न सक्ने र इजाजत प्राप्त वैदेशिक रोजगार व्यवसायीले वैदेशिक रोजगारमा श्रमिक पठाउँदा महिलालाई आरक्षण प्रदान गर्नु पर्ने व्यवस्था ऐनले गरेको छ । वैदेशिक रोजगारमा घरेलु कामदार पठाउने निर्देशिका, २०७२ अनुसार घरेलु श्रमिकका रुपमा साउदी अरब, कतार, कुवेत, युएई, ओमन, बहराइन, लेवनान र मलेसिया जाने महिला श्रमिकको उमेर २४ वर्ष पूरा भएको हुनुपर्दछ । साथै, निर्देशिकाको दफा ३ (४) ले घरेलु श्रमिकको रुपमा वैदेशिक रोजगारमा जाने महिला श्रमिकको बच्चा २ वर्ष भन्दा कम उमेर भएको हुनु हुने छैन भनी उल्लेख गरेको छ । यस बारेमा https://shorturl.at/uCGRY  तथा   https://shorturl.at/lxyMN लिंकमा क्लिक गरेर थप जानकारी लिन सकिन्छ ।
 
सन् १९८५ देखि विभिन्न समयमा सरकारले महिलालाई घरेलु श्रमिकका रुपमा वैदेशिक रोजगारमा जान प्रतिबन्ध लगाउँदै आएको छ | यस सम्बन्धमा IOM द्वारा प्रकाशित Migration in Nepal: A Country Profile 2019 पृष्ठ ५३-५४ हेरेर थप जानकारी प्राप्त गर्न सकिन्छ । यसका लागि  https://publications.iom.int/books/migration-nepal-country-profile-2019 लिंकमा क्लिक गर्नुहोस् |
 
Tags:-
१.महिला श्रमिक २. घरेलु श्रमिक ३. वैदेशिक रोजगार व्यवसायी ४. भिजिट भिसा ५. खाडी मुलुक

महिला श्रमिक र अभिमुखीकरण तालिम वापतको शुल्क सोधभर्ना

महिला श्रमिकले अभिमुखीकरण तालिम लिँदा तिरेको शुल्क वैदेशिक रोजगार बोर्डको सचिवालयबाट सोधभर्ना पाइन्छ । यसका लागि तालिम केन्द्रले शुल्क लिएको सक्कल रसिद, तालिम प्रमाणपत्रको प्रतिलिपि, श्रम स्वीकृतिको प्रतिलिपि र राहदानी (पासपोर्ट) को प्रतिलिपि राखेर बोर्ड सचिवालयमा निवेदन दिनुपर्दछ ।थप जानकारी तलको लिंकमा उल्लेख छ ।
 
https://www.sajhasabal.com/orentation/106279
 
Tags:-
१.अभिमुखीकरण २. महिला श्रमिक ३. तालिम केन्द्र ४. वैदेशिक रोजगार बोर्डको सचिवालय ५. राहदानी
 
घरेलु श्रमिक

अन्तराष्ट्रिय श्रम संगठनका अनुसार विश्वमा ६ करोड ७० लाख भन्दा बढी घरेलु श्रमिकहरु छन् । त्यसमध्ये ८० प्रतिशत महिला छन् । त्यसैले घरेलु श्रम भन्ने वित्तिकै महिलाबहुल श्रम क्षेत्रमा पर्दछ । नेपालमा घरेलु श्रमिकको अवस्था र चुनौति तथा आइएलओ अभिसन्धि १८९ को विषयमा जानकारी लिन तलको लिंकमा क्लीक गर्नुहोस् ।
 
अझै राज्यको पर्वाह बाहिर छन् लाखौं घरेलु श्रमिकहरु | देश परदेश Desh Paradesh
 
Tags:-
१.घरेलु श्रमिक २. चुनौति ३. आइएलओ अभिसन्धि १८९ ४. महिला श्रमिक ५. वैदेशिक रोजगार बोर्डको सचिवालय
 
घरेलु श्रमिक माथि पूर्ण प्रतिबन्ध 

नेपालबाट खाडीका मुलुकहरुमा घरेलु श्रमिकको रुपमा काम गर्न जानेहरुलाई विभिन्न समयमा वन्देज लाग्दै आएको छ । सोही क्रममा सन् २०१७ मार्च देखि खाडी मुलुकमा घरेलु काम गर्न जान पूर्ण प्रतिबन्ध छ। व्यक्तिको सुरक्षालाई प्राथमिकता दिंदै नेपाल सरकारले लगाएको प्रतिवन्ध र त्यसले पारेको प्रभावका बारेमा जानकारी लिन तलको लिंकमा क्लीक गर्नुहोस् ।
 
https://www.onlinekhabar.com/2017/04/565438
 
https://www.himalkhabar.com/news/9252
 

Tags:-
१.घरेलु श्रमिक २. नेपाल सरकार ३.  झुटो करार ४. भिजिट भिसा ५. खाडी मुलुक

करार समाप्त भईसकेपछि पनि रोजगारदाताले घर फर्कन नदिएमा के गर्ने ? 

करार अवधि समाप्त भईसकेपछि पनि रोजगारदाताले स्वदेश फर्कन नदिएमा श्रमिक स्वयं वा निजको नजिकको नातेदारले इजाजतपत्रवाला (मेनपावर कम्पनी) लाई जानकारी गराउनुपर्दछ । यसरी जानकारी गराएपश्चात पनि स्वदेश फर्काउन मेनपावर कम्पनीले सहयोग नगरेको खण्डमा वैदेशिक रोजगार विभागमा उजुरी दिनुपर्दछ । यसका साथै कन्सुलर सेवा विभाग वा वैदेशिक रोजगार बोर्डमा निवेदन पनि दिन सकिन्छ । श्रमिक स्वयं वा निजको नजिकको नातेदारले  गन्तव्य मुलुकस्थित नेपाली नियोगमा पनि जानकारी दिन सक्नेछन । कन्सुलर सेवा विभागले यस्ता गुनासोहरु व्यवस्थापन गर्नका लागि अनलाइन सूचना व्यवस्थापनको समेत व्यवस्था गरेको छ ।
 
उद्दार तथा उजुरी गर्नको लागि यो लिंकमा https://legal.nepalconsular.gov.np/ गई खाता बनाएर घरमै बसी उजुरी गर्न सकिनेछ । 
 
Tags:-
१.कन्सुलर सेवा विभाग  २. नेपाली राजदुतावास ३. मेनपावर कम्पनी ४. रोजगारी ५. प्रवासी नेपाली समन्वय समिति

श्रमिक जेल परेमा के गर्ने ? 

वैदेशिक रोजगारको सिलसिलामा गन्तव्य मुलुकमा रहेको अवस्थामा कुनै श्रमिक कुनै कारणले जेल परेर उद्वार गर्नुपर्ने भएमा श्रमिकको सम्पूर्ण विवरण सहित कन्सुलर सेवा विभागको अनलाईन सूचना व्यवस्थापन प्रणालीमा दर्ता गर्न सकिन्छ ।
 
थप जानकारीका लागि प्रवासी नेपाली समन्वय समितिको वेवसाइट https://pncc.org.np/access-to-justice/ मा अध्ययन गर्न सकिन्छ ।
 

Tags:-
१.जेल  २. वैदेशिक रोजगार बोर्ड ३. मुद्दा ४. करार अवधि ५. श्रम स्वीकृति

वैदेशिक रोजगार बोर्डले प्रदान गर्ने कानुनी प्रतिरक्षा सम्बन्धमा 

श्रम स्वीकृती लिइ वैदेशिक रोजगारीमा गएका श्रमिकलाई करार अवधि भित्र फौजदारी कसूरको अभियोग लागेमा त्यस्ता श्रमिकको लागि वैदेशिक रोजगारीमा गएका नेपाली कामदारको कानुनी प्रतिरक्षा सम्वन्धी निर्देशिका २०७५ को अधिनमा रही कानूनी प्रतिरक्षा तथा वहस पैरवीको व्यवस्था नेपाल सरकारले गरेको छ । त्यस्तो मद्धत आवश्यक परेका श्रमिक वा निजका परिवारले कानुनी प्रतिरक्षा तथा वहस पैरवीका लागि विदेशमा भए सम्वन्धित नियोग र स्वदेशमा भए परिवारले बोर्ड सचिवालयमा निवेदन दिन सक्छन् ।
 
थप जानकारी प्रवासी नेपाली समन्वय समितिको वेवसाइट https://pncc.org.np/access-to-justice/ मा अध्ययन गर्न सकिन्छ ।
 

Tags:-
१.वैदेशिक रोजगार बोर्ड  २. फौजदारी कसुर ३. कानुनी प्रतिरक्षा ४. करार अवधि ५. वहस पैरवी

करार अनुसार काम वा तलब नपाएमा के गर्ने ? 

नेपालमा हुँदा इजाजतपत्रवाला (मेनपावर कम्पनी) ले कुनै श्रमिकसँग एउटा कम्पनीमा काम गर्ने भनी करार गरी सोभन्दा कम पारिश्रमिक र सुविधा पाउने गरी वा कामको प्रकृति नै फरक पारी अर्को कम्पनीमा काम लगाएमा वा जुन कामका लागि वैदेशिक रोजगारमा पठाएको हो सो काममा नलगाइ अर्को काममा लगाएमा वा जति पारिश्रमिक र सुविधा दिने भनी लगेको हो सो भन्दा कम पारिश्रमिक र सुविधामा काममा लगाएमा वैदेशिक रोजगार विभाग वा जिल्लास्थित प्रमुख जिल्ला अधिकारी समक्ष उजुरी दिन सकिन्छ । साथै गन्तव्य मुलकको नेपाली कूटनीतिक नियोगमा गुनासो वा उजुरी समेत गर्न सकिन्छ ।
 
थप जानकारीका लागि प्रवासी नेपाली समन्वय समितिको वेवसाइट https://pncc.org.np/access-to-justice/ मा अध्ययन गर्न सकिन्छ ।
 

Tags:-
१.मेनपावर कम्पनी  २. प्रमुख जिल्ला अधिकारी ३. कूटनीतिक नियोग ४. प्रवासी नेपाली समन्वय समिति ५. श्रम स्वीकृति

सम्पर्कविहिन भई  खोजतलास गर्नु परेमा 

वैदेशिक रोजगारीको क्रममा विभिन्न कारणले श्रमिक सम्पर्कविहिन भई खोजतलास गर्नु परेमा कन्सुलर सेवा विभाग वा  सम्वन्धित मुलुकमा रहेको नेपाली नियोग (राजदूतावास) मा श्रमिकको परिवार वा नजिकको व्यक्तिले सम्पर्क गर्न सकिन्छ ।
 
थप जानकारीका लागि प्रवासी नेपाली समन्वय समितिको वेवसाइट https://pncc.org.np/access-to-justice/ मा अध्ययन गर्न सकिन्छ ।
 

Tags:-
१.नेपाली राजदुतावास  २. देश परदेश ३. श्रम मन्त्रालय ४. सम्पर्कविहिन ५. कन्सुलर सेवा विभाग

 
गन्तव्य मुलुकमा रोजगारदाता लिन नआएर अथवा काम नदिएर अलपत्र परेमा 

गन्तव्य मुलुकमा पुगेपछि रोजगारदाता लिन नआएमा वा काम नदिइ अलपत्र पारेमा नेपाली राजदुतावासमा जानकारी गराउनु पर्दछ । साथै वैदेशिक रोजगारमा पठाउने मेनपावर कम्पनीमा समेत खबर गर्नुपर्दछ ।
 
थप जानकारी प्रवासी नेपाली समन्वय समितिको वेवसाइट https://pncc.org.np/access-to-justice/ मा अध्ययन गर्न सकिन्छ ।
 

Tags:-
१.मेनपावर कम्पनी  २. नेपाली राजदुतावास ३. मानव अधिकार ४. प्रवासी नेपाली समन्वय समिति ५. श्रम स्वीकृति
 
गन्तव्य मुलूकमा दैवी प्रकोपका कारण अलपत्र परेर उद्दार गर्नुपर्ने भएमा 

नेपाली श्रमिकहरु रहेको मुलुकमा युद्ध, महामारी, प्राकृतिक बिपत्ती परेर श्रमिकलाई तत्काल फिर्ता गर्नुपर्ने भएमा नेपाल सरकारले कुटनितिक नियोग वा श्रम सहचारी मार्फत श्रमिक फिर्ता गर्ने व्यवस्था छ । यस्तो अवस्थामा आवश्यक कागजपत्रसहित कन्सुलर सेवा विभाग, वैदेशिक रोजगार बोर्ड, वैदेशिक रोजगार विभाग वा सम्वन्धित मुलुकमा रहेको नेपाली राजदूतावासमा निवेदन दिनु पर्दछ ।
 
थप जानकारीका लागि प्रवासी नेपाली समन्वय समितिको वेवसाइट https://pncc.org.np/access-to-justice/ मा अध्ययन गर्न सकिन्छ ।
 

Tags:-
१.प्राकृतिक बिपत्ती  २. वैदेशिक रोजगार बोर्ड ३. मानव अधिकार ४. प्रवासी नेपाली समन्वय समिति ५. वैदेशिक रोजगार विभाग

दुर्घटनामा परेर अङ्गभङ्ग भएको अवस्थामा वा गम्भीर बिरामी भएमा कसरी स्वदेश फिर्ता हुन सकिन्छ ? 

विभागबाट श्रम स्वीकृति लिई वैदेशिक रोजगारीका लागि गएका श्रमिक बिरामीको कारण अशक्त भई वा दुर्घटनाको कारण काम गर्न नसक्ने भएको अवस्थामा स्वदेश फिर्ता हुनु परेमा सो कुराको जानकारी प्रभावित/पिडित स्वयं वा निजको नजिकका हकवालाले विदेशमा भए नेपाली दुतावासमा, नेपालमा भए वैदेशिक रोजगार बोर्डको सचिवालयमा निवेदन दिनुपर्दछ ।
 
उद्दार कार्यका लागि कन्सूलर सेवा मार्फत उजुरी गर्न https://legal.nepalconsular.gov.np/ मा गई खाता खोलि घरमै बसी उजुरी गर्न सकिनेछ। थप जानकारी प्रवासी नेपाली समन्वय समितिको वेवसाइट https://pncc.org.np/access-to-justice/ मा अध्ययन गर्न सकिन्छ ।
 

Tags:-
१.कल्याणकारी कोष  २. वैदेशिक रोजगार बोर्ड ३. स्वदेश फिर्ता ४. कन्सूलर सेवा ५. नेपाली दुतावास

गन्तव्य मुलुकमा स्वास्थ्य परिक्षण फेल भएमा के गर्ने? 

स्वास्थ्य परिक्षण गराई वैदेशिक रोजगारमा गएको श्रमिक ‘मेडिकल फेल’ भइ स्वदेश फर्कनु परेमा क्षतिपूर्ति प्राप्त गर्ने कानुनी व्यवस्था छ । यस्तो अवस्थामा वैदेशिक रोजगारमा जाँदा र फिर्ता हुँदा लागेको खर्च श्रमिकले फिर्ता पाउन स्वदेश फिर्ता भएको मितिले ९० दिनभित्र श्रम रोजगार तथा सामाजिक सुरक्षा  मन्त्रालय वा वैदेशिक रोजगार विभाग वा वैदेशिक रोजगार बोर्ड वा वैदेशिक रोजगार सम्बन्धी कामकाज गर्न अधिकार प्राप्त श्रम तथा रोजगार कार्यालयमा निवेदन दिनु पर्दछ । 
 
थप जानकारी वैदेशिक रोजगार बोर्ड सचिवालयको वेवसाइट वैदेशिक रोजगार बोर्डको सचिवालय (feb.gov.np)  मा गएर लिन सकिनेछ । वा अन्य जानकारीका लागि प्रवासी नेपाली समन्वय समितिको वेवसाइट https://pncc.org.np/access-to-justice/ मा अध्ययन गर्न सकिन्छ ।
 
Tags:-
१.स्वास्थ्य संस्था  २. वैदेशिक रोजगार बोर्ड ३. स्वास्थ्य परिक्षण ४. श्रम मन्त्रालय ५. श्रम तथा रोजगार कार्यालय
 
घरेलु श्रमिकलाई उद्धार गर्नुपरेमा 

घरेलु श्रमिकको उद्दारका लागि श्रमिक आफैं र आफैं उपलब्ध हुन नसक्ने अवस्थामा नजिकको नातेदारले वैदेशिक रोजगार विभागमा निवेदन दिन सक्ने व्यवस्था छ । यसका साथै कन्सुलर सेवा विभाग वा वैदेशिक रोजगार बोर्डमा पनि निवेदन दिन सकिन्छ । गन्तव्य मुलुकस्थित राजदूतावासमा पनि निवेदन दिन सकिन्छ ।
 
कन्सूलर सेवा विभाग मार्फत निवेदन दिने भएमा https://legal.nepalconsular.gov.np/ मा क्लीक गरेर खाता खोलि घरमै बसेर उजुरी गर्न सकिन्छ । 
 
(नोट: यो सामग्री तयार पारेको समयमा नेपालबाट घरेलु श्रमिकका रुपमा खाडीका मुलुकहरुमा जान बन्देज लगाइएका कारण यस सम्वन्धि अद्यावधिक जानकारी लिन हामी तपाईलाई सुझाव दिन्छौं ।)
 

Tags:-
१.प्रवासी नेपाली समन्यवय समिति  २. सुरक्षित अप्रवासन ३. घरेलु श्रमिक ४. अनलाइन सूचना व्यवस्थापन ५. राजदूतावास
 
मानव बेचबिखनमा तथा ओसारपसारमा परेका श्रमिकको स्वदेशफिर्ति गर्नुपरेमा के गर्ने ? 

पछिल्लो समयमा आकर्षक तलव, सुविधा उपलव्ध गराइदिने नाममा वैदेशिक रोजगारको नाममा हुने मानव तस्करी, मानव बेचविखन र ओसारपसारका घटनाहरु बढेका छन् । त्यसैले सजग रहनु पर्दछ । कसैले मानव बेचबिखन तथा ओसारपसारको कसुर गरेको, गरिरहेको वा गर्न लागेको थाहा पाउने जुनसुकै व्यक्तिले नजिकको प्रहरी कार्यलय वा मानव वेचविखन अनुसन्धान ब्युरोमा उजुरी गर्न सक्छन् ।
 
थप जानकारीका लागि प्रवासी नेपाली समन्वय समितिको वेवसाइट https://pncc.org.np/access-to-justice/ मा अध्ययन गर्न सकिन्छ ।
 

Tags:-
१.मानव वेचविखन अनुसन्धान ब्युरो  २. वैदेशिक रोजगार विभाग ३. मानव बेचबिखन तथा ओसारपसार ४. प्रहरी ५. श्रम स्वीकृति
 
गन्तव्य मुलुकका रोजगारदाताले आवासीय परिचय पत्र नदिएमा अथवा नविकरण नगरेमा के गर्ने? 
गन्तव्य मुलुकमा रोजगारदाताले आवासीय परिचय पत्र नदिएमा वा नविकरण नगरेमा श्रमिक स्वयंले मेनपावर कम्पनी र गन्तव्य मुलुकस्थित नेपाली नियोगमा जानकारी दिनुपर्दछ । यसरी जानकारी दिए पश्चात मेनपावर कम्पनीले सहयोग नगरेको खण्डमा वैदेशिक रोजगार विभागमा र सम्वन्धित मुलुकमा रहेको नेपाली राजदूतावासमा उजुरी दिन सकिन्छ ।
 
थप जानकारी लागि प्रवासी नेपाली समन्वय समितिको वेवसाइट https://pncc.org.np/access-to-justice/ मा अध्ययन गर्न सकिन्छ ।
 

Tags:-
१.गन्तव्य मुलुक  २. वैदेशिक रोजगार विभाग ३. उजुरी ४. कुटनितिक नियोग ५. श्रम स्वीकृति

न्यायमा पहुँच: गन्तव्य मुलुकमा रहेको कानुनी व्यवस्था
 
अनलाईन मार्फत् नेपाली राजदुतावासहरुमा गुनासो टिपाउन सकिने  

आफ्ना देशका नागरिकहरुको गुनासो सुन्न र समस्या समाधानमा सहयोग गर्ने उद्धेश्यले नेपाली राजदुतावास मलेसिया र कतारले वेबसाइट मार्फत् समस्याको संक्षिप्त विवरण लिने व्यवस्था गरेको छ । आफु समस्यामा परेको बेला गुनासो गर्नको लागि निम्न लिंकमा गएर उजुरी दर्ता गर्न सकिन्छ ।
 
मलेसियाको हकमा
 
https://shorturl.at/mnHQ0
 
कतारको हकमा  
 
https://shorturl.at/bfMO2
 

Tags:-
१.साउदी अरब  २. ओमान ३. अनलाइन उजुरी ४. अभिमुखीकरण तालिम ५. नेपाली दुतावास मलेसिया
 
गन्तव्य मुलुकबाट शव नेपाल झिकाउन के-के प्रक्रिया रहेका छन् ? 
वैदेशिक रोजगारीका क्रममा मृत्यु भएका नेपाली श्रमिकको शव झिकाउनका लागि कन्सुलर सेवा विभागमा शव नेपाल झिकाई पाउँ भन्ने निवेदन सम्बन्धित श्रमिकको परिवारका सदस्य वा इच्छाईएको व्यक्तिले दिन सक्नेछन् । कन्सुलर सेवा विभागको वेबसाइट https://legal.nepalconsular.gov.np/ मा गएर आवश्यक कागजातहरु सहित निवेदन दिन सकिन्छ ।
 थप जानकारी प्रवासी नेपाली समन्वय समितिको वेवसाइट https://pncc.org.np/access-to-justice/ मा अध्ययन गर्न सकिन्छ ।
 

Tags:-
१.वैदेशिक रोजगार बोर्ड  २. कल्याणकारी कोष ३. अनलाइन उजुरी ४. मृत्यु ५. श्रम स्वीकृति

अलेखबद्ध भएका श्रमिकको शव नेपाल ल्याउने प्रकृया 

गन्तव्य मुलुकमा अलेखबद्ध भएका श्रमिकको मुत्यु भएमा श्रमिकको परिवारले स्थानीय निकायबाट नाता प्रमाणित तथा गन्तव्य मुलुकमा अवैधानिक रुपमा बसेर काम गरिरहेको जानकारी गराइएको सिफारिसहित वैदेशिक रोजगार बोर्डमा निवेदन दिनुपर्दछ । साथै आर्थिक अवस्था कमजोर रहेको जनाउंदै शव नेपाल झिकाउनका लागि अनुरोध गर्नुपर्दछ । थप जानकारीका लागि प्रवासी नेपाली समन्वय समितिको वेवसाइट https://pncc.org.np/access-to-justice/ मा अध्ययन गर्न सकिन्छ । 
 

Tags:-
१.वैदेशिक रोजगार बोर्ड  २. मानव अधिकार आयोग ३. सीपका फाइदाहरु ४. मृत्यु ५. श्रम स्वीकृति

युएईबाट शव नेपाल पठाउन आवश्यक प्रक्रिया तथा कागजातहरु  

रोजगारीका क्रममा युएईमा कुनै नेपालीको मृत्यु भएमा निजको शवलाई नेपाल पठाउन सकिने व्यवस्था छ । यदि मृतकको शव युएईमा दाहसंस्कार गर्ने हो भनें त्यसका लागि दूतावासबाट प्रमाणीकरण पत्र उपलव्ध गराएको हुनु पर्दछ । थप जानकारीका लागि नेपाली राजदुतावास, अबुधाबीको वेवसाइट https://ae.nepalembassy.gov.np/dead-body-repatriation/ मा हेर्न सकिन्छ । 
 

Tags:-
१.युएई  २. दूतावास ३. नेपाली राजदुतावास अबुधाबी ४. दाहसंस्कार ५. श्रम स्वीकृति

युएईबाट क्षतिपुर्ती दावी गर्ने व्यवस्था

रोजगारीका सिलसिलामा संयुक्त अरब इमिरेट्स (युएई) मा कार्यरत कुनै नेपालीको दुर्घटनामा मृत्यु भएमा मृतकका हकदारले क्षतिपूर्ति पाउने कानुनी व्यवस्था छ । यसका लागि आवश्यक पर्ने कागजात लगायतका विषयमा युएईस्थित नेपाली  दुतावासको वेभसाइट https://ae.nepalembassy.gov.np/compensation/ मा थप जानकारी लिन सकिन्छ । 
 
Tags:-
१.युएई  २. गोसी ३. नि:शुल्क सीप र तालिम ४. दाहसंस्कार ५. स्वास्थ्य परिक्षण
 
साउदी अरबबाट शव नेपाल पठाउने आवश्यक प्रक्रिया तथा कागजातहरु  
 
साउदी अरबमा कुनै नेपालीको मृत्यु भएमा निजको शव नेपाल पठाउन रोजगारदाताले अनिवार्य रुपमा नेपाली दुतावासमा लिखित रुपमा जानकारी दिनु पर्दछ । थप आवश्यक कागजात तथा प्रक्रियाको बारेमा नेपाली राजदुतावास रियादको वेभसाइट https://sa.nepalembassy.gov.np/death-case-formalities-2/ मा जानकारी लिन सकिन्छ । 
 

Tags:-
१.क्षतिपुर्ती  २. नेपाली राजदुतावास रियाद ३. वैदेशिक रोजगार बोर्ड ४. प्रहरी ५. साउदी अरब
 
गोसी (GOSI) सम्बन्धी जानकारी (साउदी अरबका लागि) 

वैदेशिक रोजगारीको सिलसिलामा साउदी अरबमा रहँदा कार्यस्थलमा दुर्घटना (work-related accident) मा परी मृत्यु भएमा श्रमिकको सामाजिक सुरक्षा बीमा (social insurance) वापतको रकम मृतकको परिवारले प्राप्त गर्ने व्यवस्था छ । यसका लागि आवश्यक कागजात र प्रकृयाका बारेमा जानकारी लिन साउदी अरबस्थित नेपाली राजदूतावासको वेभसाइट https://sa.nepalembassy.gov.np/gosi_information/ मा हेर्नुहोस् । 
 

Tags:-
१.गोसी  २. वैदेशिक रोजगारी ३. वैदेशिक रोजगार बोर्ड ४. नेपाली राजदूतावास ५. साउदी अरब
 
कतारबाट शव नेपाल पठाउने प्रक्रिया तथा आवश्यक कागजातहरु  

वैदेशिक रोजगारको क्रममा कतारमा कुनै श्रमिकको मृत्यु भएमा ति श्रमिकले पाउन बाँकी रकम, अन्य सुविधा वापतको रकम, व्यक्तिगत सामान सहित शव नेपाल पठाउनु पर्ने कानुनी व्यवस्था छ ।
 
थप जानकारीका लागि कतारस्थित नेपाली दूतावासको वेभसाइट https://qa.nepalembassy.gov.np/deadbody-repatriation/ मा हेर्न सक्नुहुन्छ ।
 

Tags:-
१.कतार  २. शव ३. श्रमिकको मृत्यु ४. नेपाली राजदुतावास कतार ५. कल्याणकारी कोष

गन्तव्य मुलुकमा दाहसंस्कार गर्नु परेमा 

कुनै व्यक्तिको रोजगारीका क्रममा विदेशमा मृत्यु भएमा र सोही मुलुकमा अन्त्येष्टि गर्नुपर्ने भएमा आवश्यक प्रकृयाहरु पुरा गर्नुपर्ने हुन्छ । यसका लागि मृतकको नजिकको हकवालासँगको नाता प्रमाणित, हकवालाको मन्जुरीनामा र सिफारिस (मलेसियाको हकमा) कन्सुलर सेवा विभाग मार्फत गन्तब्य मुलुकको नियोगमा पठाउनु पर्दछ । ध्यान दिनुहोस् नाता प्रमाणित र सिफारिस वडा कार्यालय वा जिल्ला प्रशासन कार्यालयबाट बनाउन सकिन्छ भने मञ्जुरीनामा कन्सुलर सेवा विभागबाट बनाउनु पर्दछ ।
 
थप जानकारीका लागि प्रवासी नेपाली समन्वय समितिको वेवसाइट https://pncc.org.np/access-to-justice/ मा अध्ययन गर्न सकिन्छ ।
 
Tags:-
१.शव झिकाउने प्रक्रिया  २. वडा कार्यालय ३. जिल्ला प्रशासन कार्यालय ४. नाता प्रमाणित ५. मञ्जुरीनामा

वैदेशिक रोजगारीमा ठगिए कसरी न्याय पाउने ?

ठगी भनेको के हो ? नेपालको कानूनमा के छ व्यवस्था ?

युवा तथा साना व्यवसायी स्वरोजगार कोष सचिवालय 
 
आफूसँग भएको सीप नै सबैभन्दा ठूलो सम्पत्ति हो। युवा तथा साना उद्यमी विकास कोषले व्यावसायिक खेती, पशुपालन, कृषि र वनजन्य उद्योग, घरेलु तथा साना उद्योग तथा अन्य उद्योग, रिक्सा, ठेलालगायतका सेवामूलक व्यवसाय, विभिन्न जाति जनजातिको परम्परागत पेसामा आधारित व्यवसाय, घरबास, बहुमूल्य धातुसम्बन्धी उद्योग र सीपलाई स्वरोजगारका लागि कर्जा दिने प्राथमिकताका क्षेत्रमा तोकेको छ। तसर्थ, कोषमार्फत स्वरोजगार कर्जा लिन चाहने युवाहरूमा यीमध्ये कुनै सीप भएमा लाभदायी हुनेछ। युवा तथा साना व्यवसायी स्वरोजगार कोषले स्वरोजगार कार्यक्रम अन्तर्गत कर्जा लिने युवाहरूलाई सीप विकास तालिम प्रदान गर्छन्।
 
कोष सम्बन्धि थप जानकारी http://ysef.gov.np/skill-development.html बाट लिन सकिन्छ ।
 

वैदेशिक रोजगारीमा रहेका श्रमिकका लागि सामाजिक सुरक्षा कोष

वैदेशिक रोजगारीमा रहेका श्रमिक पनि सामाजिक सुरक्षा कोषमा समेटिने उद्देश्यका साथ सामाजिक सुरक्षा कोषले २०७९ चैत ८ मा एक कार्यक्रम आयोजना गरी वैदेशिक रोजगारीमा रहेका श्रमिकलाई योजनामा सूचीकृत गर्ने कार्य प्रारम्भ गरेको छ । नेपालको सामाजिक सुरक्षा कोषमा आवद्ध हुनको लागि https://sosys.ssf.gov.np/ वेबपेजमा गई वैदेशिक रोजगारी सूचीकरणमा क्लिक गरी अनलाईन आवेदन फाराम भर्न सकिन्छ |

Tags:-
१.सामाजिक सुरक्षा कोष २. श्रमिक ३. वैदेशिक रोजगारी ४. आवेदन ५. सूचीकरण
 
विदेशमा रहेका नेपाली सामाजिक सुरक्षा कोषमा कसरी जोडिन सक्छन् ?
 
वैदेशिक रोजगारमा जाने प्रकृयामा रहेकाहरु वैदेशिक रोजगारीका लागि श्रम स्वीकृति लिने क्रममा नै र विदेशमा कार्यरतहरु कोषमा आवेदन दिएर सामाजिक सुरक्षामा जोडिने व्यवस्था रहेको छ । यसका बारेमा थप जानकारीका लागि तलको लिंकमा क्लीक गर्नुहोस ।
 
www.bbc.com/nepali/articles/crgj2203m3yo
 
वैदेशिक रोजगारीमा जाने श्रमिकलाई पेन्सनसहितको सामाजिक सुरक्षा दिन सुरु– समाचार – कान्तिपुर समाचार (ekantipur.com)
 
Tags:-
१.सामाजिक सुरक्षा कोष २. श्रमिक ३. वैदेशिक रोजगार ४. आवेदन ५. सूचीकरण
 

विदेशमा काम गरी फर्केका उद्यमीलाई राष्ट्रिय सम्मान तथा पुरस्कार

श्रम, रोजगार तथा सामाजिक सुरक्षा मन्त्रालयले श्रम स्वीकृति लिई वैदेशिक रोजगारमा गई न्यूनतम एक वर्ष काम गरी स्वदेश फर्किएर नेपालमा न्यूनतम एक वर्ष देखि उद्यम व्यवसाय सञ्चालन गरेर बसेका उद्यमीहरूलाई प्रत्येक वर्ष राष्ट्रिय सम्मान तथा पुरस्कार दिने व्यवस्था गरेको छ | मन्त्रालयमा रहने सिफारिश समितिले देशका सबै प्रदेशबाट उपलब्ध भएसम्म १ जना नछुट्नेगरी एक जनालाई रु. एक लाख पचास हजार रकमको उत्कृष्ट उद्यमी राष्ट्रिय पुरस्कार र बढीमा सात जनासम्मलाई जनही रु. पचहत्तर हजारको उद्यमी राष्ट्रिय पुरस्कारको लागि सिफारिश गर्दछ ।

 
यस बारेमा मन्त्रालयको वेभसाइट https://moless.gov.np/np मा क्लिक गरेर थप जानकारी लिन सकिन्छ |
 
Tags:-
१.पुरस्कार २. श्रम रोजगार तथा सामाजिक सुरक्षा मन्त्रालय ३. वैदेशिक रोजगार ४. उद्यमी ५. राष्ट्रिय सम्मान

वैदेशिक रोजगारीमा रहेका नेपालीलाई टेलिमेडिसिन सेवा
 
वैदेशिक रोजगारीमा रहेका नेपाली श्रमिकहरुको स्वास्थ्य सम्बन्धी समस्या समाधानका लागि आवश्यकताअनुसार समयमा नै सल्लाह, सुझाव र परामर्श सेवा उपलब्ध गराउने गरी वैदेशिक रोजगार बोर्डको सचिवालयले २०७९ चैत १५ गते बुधबार बिहान १० बजेदेखि टेलिमेडिसिन सेवा सुरुवात गरेको छ । यो सेवा लिन चाहने नेपाली श्रमिकले मोबाइल नम्बर ९८५१३४५७०१ र ९८५१३४५७०२ को भाइबर, हवाटस एप वा इमो लगायतका सामाजिक सञ्जालबाट फोन गर्न सक्नेछन् । यो सेवा पूर्णतः निशुल्क हो ।
 

यस सम्बन्धमा https://shorturl.at/blwG6 लिंकमा क्लिक गरेर थप जानकारी लिन सकिन्छ |

Tags:-
१.टेलिमेडिसिन सेवा २. वैदेशिक रोजगारी ३. वैदेशिक रोजगार बोर्ड ४. श्रमिक ५. सामाजिक सञ्जाल
 
प्राथमिक शेयर निष्कासन (आईपीओ) मा १० प्रतिशत आरक्षण
 
आर्थिक वर्ष २०७९/८० को बजेटले प्राथमिक शेयर निष्कासन (आईपीओ) मा वैदेशिक रोजगारीमा गएकाहरुका लागि आरक्षणको व्यवस्था गरेको छ । ‘धितोपत्र दर्ता तथा निष्कासन (छैठौं संशोधन) नियमावली, २०७९’ ले सङ्गठित संस्थाले सर्वसाधारणलाई निष्कासन गर्ने सेयरको १० प्रतिशत नेपाल सरकारको सम्बन्धित निकायबाट श्रम स्वीकृति प्राप्त गरी विदेशमा बसी रोजगारी गरिरहेका नेपालीलाई छुट्याउनुपर्ने व्यवस्था गरेको हो ।
 

यस बारेमा https://shorturl.at/aforX लिंकमा क्लिक गरेर थप जानकारी लिन सकिन्छ |

Tags:-
१.वैदेशिक रोजगार २. आरक्षण ३. आईपीओ ४. बजेट ५. प्राथमिक शेयर

श्रम स्वीकृति लिई वैदेशिक रोजगारीका सिलसिलामा करार अवधिभित्र मृत्यु भएका वा पूर्णरुपमा अशक्त वा गम्भीर बिरामी भएका नेपाली श्रमिकका छोराछोरीलाई वैदेशिक रोजगार बोर्डको तर्फबाट शैक्षिक छात्रवृत्ति प्रदान गरिन्छ |
 
यसका बारेमा https://feb.gov.np/ मा क्लिक गरी थप जानकारी लिन सकिन्छ |
 
Tags:-
१.वैदेशिक रोजगार बोर्ड  २. वैदेशिक रोजगारी ३. श्रमिक ४. आवेदन ५. छात्रवृत्ति
 
वैदेशिक रोजगारमा रहेका व्यक्तिका परिवारका लागि स्वास्थ्य सुविधा 

वैदेशिक रोजगारीमा गएका कुनै नेपाली कामदारको परिवारको सदस्य विरामी परी उपचार गराउन आर्थिक समस्या परेको प्रमाणसहित निवेदन दिएमा क्यान्सर, मृगौला प्रत्यारोपण, मुटुको शल्यक्रिया, पार्किन्सन तथा अल्जाइमरको उपचारका लागि वैदेशिक रोजगार बोर्डको सचिवालय मार्फत रु. ५० हजार रुपैंयासम्म एक पटकका लागि दिने व्यवस्था छ । यस्तो सहायताका लागि दिने निवेदनको ढाँचा वैदेशिक रोजगार बोर्डको सचिवालयको वेभसाइटबाट डाउनलोड गर्न तलको लिंकमा क्लीक गर्नुहोस् ।
 
वैदेशिक रोजगार बोर्डको सचिवालय (feb.gov.np)
 

Tags:-
१.वैदेशिक रोजगारमा रहेका व्यक्तिका परिवार  २. वैदेशिक रोजगार ३. स्वास्थ्य सुविधा ४. वैदेशिक रोजगार विभाग ५. आर्थिक सहायता

http://www.ctevt.org.np/ 
 

Tags:-
१.बहुप्राविधिक शिक्षालय २. सीप विकास ३.  प्राविधिक शिक्षा तथा व्यावसायिक तालिम परिषद् ४. सिटीईभीटी ५. सीप तालिम केन्द्र

आँधिखोला बहुप्राविधिक शिक्षालय (Aandhikhola Polytechnic Institute)

नेपाल सरकारले आर्थिक वर्ष २०७९/८० का लागि नि:शुल्क सीप तालिम प्रदान गर्न छनौट गरेका तालिम प्रदायक संस्थाहरु मध्ये एक हो आँधिखोला बहुप्राविधिक शिक्षालय । यस संस्थालाई सहायक टाइल मार्बल फिक्स्चर, इलेक्ट्रीसियन र मेसन सम्बन्धि तालिम लिन ईच्छुक व्यक्तिलाई नि:शुल्क तालिम दिने जिम्मेवारी दिइएको छ । यो तालिम केन्द्र स्याङ्जा जिल्लाको वालिङ नगरपालिकामा अवस्थित छ । थप जानकारीको लागि तलको लिंकमा क्लीक गर्नुहोस् ।
 

https://www.abps.edu.np/
 

निशुल्क तालिम सम्बन्धि थप जानकारीको लागि श्रम कल सेन्टरको kmf]g gDj/ ११४१ मा सम्पर्क गर्न वा http://www.feb.gov.np मा गई जानकारी लिन सकिन्छ ।
 
Tags:-
१.इलेक्ट्रीसियन २. वैदेशिक रोजगार बोर्डको सचिवालय ३. सीप तालिम ४. आँधिखोला बहुप्राविधिक शिक्षालय ५. श्रम कल सेन्टर
 

कोरिया नेपाल बहुप्राविधिक शिक्षालय (Korea Nepal Polytechnic Institute – KNPI)

नेपाल सरकारले आर्थिक वर्ष २०७९/८० को मा सहायक वेल्डर र इलेक्ट्रीसियनको नि: शुल्क तालिम सञ्चालनका लागि छनोट गरेका संस्थाहरु मध्येको एक हो कोरिया नेपाल बहुप्राविधिक शिक्षालय । रुपन्देही जिल्लाको बुटवलमा अवस्थित यस संस्थाले इलेक्ट्रिकल र इलेक्ट्रोनिक्स, अटोमोबाइल, मेकानिकल, रेफ्रिजरेसन र एयर कन्डिसनिङ इन्जिनियरिङमा डिप्लोमा इन्जिनियरिङ कार्यक्रमहरू सञ्चालन गर्दै आएको छ । थप जानकारीको लागि तलको लिंकमा क्लीक गर्नुहोस् ।
 

https://www.knpi.edu.np
 

नि:शुल्क तालिम सम्बन्धि थप जानकारीको लागि श्रम कल सेन्टरको kmf]g gDj/ ११४१ मा सम्पर्क गर्न वा http://www.feb.gov.np मा गई जानकारी लिन सकिन्छ ।
 

Tags:-
१.इलेक्ट्रिकल र इलेक्ट्रोनिक्स २. अटोमोबाइल ३. कोरिया नेपाल बहुप्राविधिक शिक्षालय ४. सीप तालिम ५. वैदेशिक रोजगार बोर्ड
 

जाजरकोट बहुप्राविधिक शिक्षालय Jajarkot Polytechnic School (JPI)

नि:शुल्क सीप सिकाउन वैदेशिक रोजगार बोर्डले सूचीकरण गरेको तालिम प्रदायक एक संस्था हो जाजरकोट बहुप्राविधिक शिक्षालय । यस संस्थाले सहायक स्काफफोल्डिंग, सहायक टाइल मार्बल फिक्स्चर, इलेक्ट्रीसियन, हाउसकिपिङ् एटेण्डट, हाउस पेन्टर, किचन हेल्पर, सटरिंग कारपेन्ट्री र वेटर तालिम प्रदान गर्दछ । यो संस्था भेरी नगरपालिका–५, जाजजरकोटमा छ । यस संस्थाका बारेमा थप जानकारीको लागि तलको लिंकमा क्लीक गर्नुहोस् ।

https://www.jpi.edu.np/
 

 निशुल्क तालिम सम्बन्धि थप जानकारीको लागि श्रम कल सेन्टरको gDj/ ११४१ मा सम्पर्क गर्न वा http://www.feb.gov.np मा गई जानकारी लिन सकिन्छ ।
 

Tags:-
१.जाजरकोट बहुप्राविधिक शिक्षालय २. सीप तालिम ३. वैदेशिक रोजगार बोर्ड ४. नि:शुल्क तालिम ५. जाजरकोट
 

जिरी प्राविधिक शिक्षालय (Jiri Technical School)

वैदेशिक रोजगारमा जान इच्छुक नेपाली नागरिकलाई नि:शुल्क इलेक्ट्रीसियन तालिम प्रदान गर्न वैदेशिक रोजगार बोर्डको सचिवालयले समझदारी गरेको एउटा तालिम प्रदायक संस्था हो जिरी प्राविधिक शिक्षालय । यो शिक्षालय दोलखाको जिरीमा अवस्थित छ । थप जानकारीको लागि तलको लिंकमा क्लीक गर्नुहोस् ।
 

www.jiritechnicalschool.com
 

नि:शुल्क तालिम सम्बन्धि थप जानकारीको लागि श्रम कल सेन्टरको gDj/ ११४१ मा सम्पर्क गर्न वा http://www.feb.gov.np मा गई जानकारी लिन सकिन्छ ।
 

Tags:-
१.जिरी प्राविधि शिक्षालय २. बहुप्राविधिक शिक्षालय ३. इलेक्ट्रीसियन ४. सीप तालिम ५. वैदेशिक रोजगार
 

तुराङ बहुप्राविधिक शिक्षालय (Turung Polytechnic School)

इलेक्ट्रीसियन, हाउस पेन्टर, जुनियर फर्निचर मेकर, किचन हेल्पर, र मेसनको नि:शुल्क तालिमका लागि वैदेशिक रोजगार बोर्डले समझदारी गरेको एउटा संस्था हो तुराङ बहुप्राविधिक शिक्षालय । यो संस्था गुल्मी जिल्लामा रहेको छ । थप जानकारीको लागि तलको लिंकमा क्लीक गर्नुहोस् ।
 

https://www.facebook.com/profile.php?id=100083765361730&locale=hi_IN
 

नि:शुल्क तालिम सम्बन्धि थप जानकारीको लागि श्रम कल सेन्टरको नम्वर ११४१ मा सम्पर्क गर्न वा https://www.feb.gov.np मा गई जानकारी लिन सकिन्छ ।
 

Tags:-
१.सहायक वेल्डर २. किचन हेल्पर ३. इलेक्ट्रीसियन ४. सीप तालिम ५. वैदेशिक रोजगार
 

तेह्रथुम बहुप्राविधिक शिक्षालय (Tehrathum Polytechnic Institute)

सहायक वेल्डर, इलेक्ट्रीसियन, र किचन हेल्परको लागि आर्थिक वर्ष २०७९/८० मा नि:शुल्क तालिमको व्यवस्था भएको तेह्रथुम पोलिटेक्निक इन्स्टिच्युटले कृषिमा डिप्लोमा (बिरुवा विज्ञान) र कृषिमा डिप्लोमा (पशु विज्ञान) कार्यक्रम पठन–पाठन गर्दछ । यस संस्थाको बारेमा थप जानकारीको लागि तलको लिंकमा क्लीक गर्नुहोस् ।
 

https://www.facebook.com/tehrathumpolytechnicinstitute
 
नि:शुल्क तालिम सम्बन्धि थप जानकारीको लागि श्रम कल सेन्टरको नम्वर ११४१ मा सम्पर्क गर्न वा https://www.feb.gov.np मा गई जानकारी लिन सकिन्छ ।
 
Tags:-
१.सहायक वेल्डर २. किचन हेल्पर ३. इलेक्ट्रीसियन ४. तेह्रथुम बहुप्राविधिक शिक्षालय ५. वैदेशिक रोजगार
 
दमक बहुप्राविधिक शिक्षालय (Damak Polytechnic Institute)

आर्थिक वर्ष २०७९/८० का लागि वैदेशिक रोजगार बोर्डले सहायक स्काफफोल्डिंग, इलेक्ट्रीसियन, र मेसन सम्बन्धि नि:शुल्क तालिम सञ्चालनका लागि छनौट गरेको एउटा तालिम प्रदायक संस्था हो दमक बहुप्राविधिक शिक्षालय । यो शिक्षालय दमक नगरपालिका, झापामा अवस्थित छ । थप जानकारीको लागि तलको लिंकमा क्लीक गर्नुहोस् ।
 
https://www.facebook.com/DPICTEVT
 
नि:शुल्क तालिम सम्बन्धि थप जानकारीको लागि श्रम कल सेन्टरको नम्वर ११४१ मा सम्पर्क गर्न वा https://www.feb.gov.np मा गई जानकारी लिन सकिन्छ ।
 

Tags:-
१.दमक बहुप्राविधिक शिक्षालय २. सहायक स्काफफोल्डिंग तालिम ३. इलेक्ट्रीसियन तालिम ४. मेसन तालिम ५. प्राविधिक शिक्षा तथा व्यवसायिक तालिम
 
धवलागिरी प्राविधिक विद्यालय (Dhawalagiri Technical School – DTS)
 
वैदेशिक रोजगार बोर्डले आर्थिक बर्ष २०७९/८० का लागि फ्रन्ट अफिस सहायक, हाउसकिपिङ् एटेण्डट, किचन हेल्पर र वेटरको नि:शुल्क तालिमको लागि छनौट गरेको एउटा तालिम प्रदायक संस्था हो धवलागिरी प्राविधिक विद्यालय । यो संस्था थासाङ गाउँपालिका–०३, मुस्ताङमा रहेको छ । थप जानकारीको लागि तलको लिंकमा क्लीक गर्नुहोस् ।
 
https://dts.edu.np
 
नि:शुल्क तालिम सम्बन्धि थप जानकारीको लागि श्रम कल सेन्टरको नम्वर ११४१ मा सम्पर्क गर्न वा https://www.feb.gov.np मा गई जानकारी लिन सकिन्छ ।

Tags:-
१.धवलागिरी प्राविधिक विद्यालय २. सहायक स्काफफोल्डिंग तालिम ३. हाउसकिपिङ् एटेण्डट ४. किचन हेल्पर ५. वेटर
 
नारायणी बहुप्राविधिक शिक्षालय (Narayani Polytechnic Institute)

इलेक्ट्रीसियन र मेसनको नि:शुल्क तालिम दिन आर्थिक वर्ष २०७९/८० का लागि नेपाल सरकारले छनौट गरेको तालिम प्रदायक एउटा संस्था हो नारायणी बहुप्राविधिक शिक्षालय । यो संस्था चितवनको भरतपुर महानगरपालिकामा रहेको छ । सो संस्थाका बारेमा थप जानकारीको लागि तलको लिंक क्लीक गर्नुहोस् ।
 
https://www.npictevt.edu.np
 
निMशुल्क तालिम सम्बन्धि थप जानकारीको लागि श्रम कल सेन्टर को नम्वर ११४१ मा सम्पर्क गर्न वा https://www.feb.gov.np मा गई जानकारी लिन सकिन्छ । 

Tags:-
१.इलेक्ट्रीसियन २. मेसन ३. नि:शुल्क तालिम ४. सीप तालिम ५. वैदेशिक रोजगार बोर्ड
 
निर्मल लामा बहुप्राविधिक शिक्षालय (Nirmal Lama Polytechnic Institute)

सहायक टाइल मार्बल फिक्स्चर, इलेक्ट्रीसियन, किचन हेल्पर, मेसन र वेटरको लागि नेपाल सरकारले नि:शुल्क तालिम सञ्चालनका लागि छनौट गरेको एउटा संस्था हो निर्मल लामा बहुप्राविधिक शिक्षालय । महोत्तरी जिल्लाको बर्दिवासमा यो संस्था रहेको छ । थप जानकारीको लागि तलको लिंकमा क्लीक गर्नुहोस् ।
 
www.nlpictevt.com
 
नि:शुल्क तालिम सम्बन्धि थप जानकारीको लागि श्रम कल सेन्टरको नम्वर ११४१ मा सम्पर्क गर्न वा https://www.feb.gov.np मा गई जानकारी लिन सकिन्छ ।
 

Tags:-
१.सहायक टाइल मार्वल फिक्स्चर २. इलेक्ट्रीसियन ३. किचन हेल्पर ४. वेटर ५. नि:शुल्क तालिम

 
नेपाल बनेपा बहुप्राविधिक शिक्षालय (Nepal Banepa Polytechnic Institute – NBPI)

वैदेशिक रोजगारमा जान ईच्छुकहरुलाई आर्थिक वर्ष २०७९/८० मा इलेक्ट्रीसियन, किचन हेल्पर, मेसन र वेटरको नि:शुल्क तालिम सञ्चालनका लागि नेपाल सरकारले सम्झौता गरेको एउटा तालिम प्रदायक संस्था हो नेपाल बनेपा बहुप्राविधिक शिक्षालय । यो संस्था काभ्रेपलाञ्चोक जिल्लाको बनेपा नगरपालिका–५ बनेपामा रहेको छ । थप जानकारीको लागि तलको लिंकमा क्लीक गर्नुहोस् ।
 
https://www.nbpi.edu.np
 
नि:शुल्क तालिम सम्बन्धि थप जानकारीको लागि श्रम कल सेन्टरको नम्वर ११४१ मा सम्पर्क गर्न वा https://www.feb.gov.np मा गई जानकारी लिन सकिन्छ ।
 
Tags:-
१.इलेक्ट्रीसियन २. मेसन ३. प्राविधिक शिक्षा तथा व्यवसायिक तालिम परिषद ४. वेटर तालिम ५. नि:शुल्क तालिम
 
पोखरा प्राविधिक शिक्षालय (Pokhara Technical School)

नेपाल सरकारले वैदेशिक रोजगारमा जान चाहेकाहरुलाई हाउसकिपिङ् एटेण्डट, किचन हेल्पर र वेटरको नि:शुल्क तालिम दिनेगरी सम्झौता गरेको एउटा तालिम प्रदायक संस्था हो पोखरा प्राविधिक शिक्षालय । कास्कीको पोखरामा यो प्राविधिक शिक्षलय अवस्थित छ । थप जानकारीको लागि तलको लिंकमा क्लीक गर्नुहोस् ।
 
https://www.ptspokhara.edu.np
 
नि:शुल्क तालिम सम्बन्धि थप जानकारीको लागि श्रम कल सेन्टरको नम्वर ११४१ मा सम्पर्क गर्न वा https://www.feb.gov.np मा गई जानकारी लिन सकिन्छ ।
 
Tags:-
१.हाउसकिपिङ् तालिम २. किचन हेल्पर तालिम ३. प्राविधिक शिक्षा तथा व्यवसायिक तालिम परिषद ४. वेटर तालिम ५. नि:शुल्क तालिम
 
भेरी प्राविधिक शिक्षालय (Bheri Technical School – BTS)

सीप सिकेर वैदेशिक रोजगारमा जान चाहेकाहरुलाई भेरी प्राविधिक शिक्षालयले इलेक्ट्रीसियन र मेसन सम्बन्धि नि:शुल्क तालिम प्रदान गर्दछ । यसका लागि वैदेशिक रोजगार बोर्ड र सो संस्थाबीच आर्थिक वर्ष २०७९/८० को मसान्तसम्मका लागि सम्झौता भएको छ । यो संस्था नेपालगन्ज उपमहानगरपालिका, वडा नम्बर १०, बाँकेमा अवस्थित छ । थप जानकारीको लागि तलको लिंकमा क्लीक गर्नुहोस् ।
 
www.bts.edu.np
 
नि:शुल्क तालिम सम्बन्धि थप जानकारीको लागि श्रम कल सेन्टरको नम्वर ११४१ मा सम्पर्क गर्न वा https://www.feb.gov.np मा गई जानकारी लिन सकिन्छ ।
 
Tags:-
१.इलेक्ट्रीसियन २. मेसन ३. तालिम ४. नि:शुल्क तालिम ५. वैदेशिक रोजगार बोर्डको सचिवालय
 
पोष्टबहादुर बोगटी बहुप्राविधिक शिक्षालय (Posta Bahadur Bogati Polytechnic School)

वैदेशिक रोजगारमा जान चाहनेहरुका लागि वैदेशिक रोजगार बोर्डको सचिवालयले हाउसकिपिङ् एटेण्डट, किचन हेल्पर र वेटरको नि:शुल्क तालिम दिने व्यवस्था गरेको छ । यो संस्था नुवाकोट जिल्लामा अवस्थित छ । थप जानकारीको लागि तलको लिंकमा क्लीक गर्नुहोस् ।
 
https://en.nepalbahas.com/posta-bahadur-bogati-polytechnic-school-comes-into-operation
 
नि: शुल्क तालिम सम्बन्धि थप जानकारीको लागि श्रम कल सेन्टरको नम्वर ११४१ मा सम्पर्क गर्न वा https://www.feb.gov.np मा गई जानकारी लिन सकिन्छ ।
 

Tags:-
१.प्राविधिक शिक्षा तथा व्यवसायिक तालिम परिषद २. हाउसकिपिङ् ३. किचन हेल्पर ४. वेटर ५. नि:शुल्क तालिम
 
मदन पोखरा बहुप्राविधिक शिक्षालय (Madanpokhara Polytechnic Institute – MPPI)

मदन पोखरा बहुप्राविधिक शिक्षालयले वैदेशिक रोजगारमा जान चाहनेहरुका लागि वैदेशिक रोजगार बोर्डको सचिवालयसँगको सहकार्यमा फ्रन्ट अफिस सहायक, हाउसकिपिङ् एटेण्डट, हाउस पेन्टर र किचन हेल्परको नि:शुल्क तालिम प्रदान गर्दछ । यो शिक्षालय तानसेन नगरपालिका वडा नं ९, दमकडा, पाल्पामा अवस्थित छ । थप जानकारीको लागि तलको लिंकमा क्लीक गर्नुहोस् ।
 
https://mppipalpa.org.np
 
नि:शुल्क तालिम सम्बन्धि थप जानकारीको लागि श्रम कल सेन्टरको नम्वर ११४१ मा सम्पर्क गर्न वा https://www.feb.gov.np मा गई जानकारी लिन सकिन्छ । 
 

Tags:-
१.वैदेशिक रोजगार २. फ्रन्ट अफिस सहायक ३. हाउसपेन्टर ४. वेटर ५. नि:शुल्क तालिम
 
रत्न कुमार बान्तवा बहुप्राविधिक शिक्षालय (Ratna Kumar Bantawa Polytechnic Institute)

इलाम जिल्लाको संखेजुङमा अवस्थित यस संस्थाले वैदेशिक रोजगार बोर्डको सचिवालयसँगको साझेदारीमा सहायक स्काफफोल्डिंग, इलेक्ट्रीसियन, किचन हेल्पर, मेसन र वेटरको नि:शुल्क तालिम प्रदान गर्दछ । थप जानकारीको लागि तलको लिंकमा क्लीक गर्नुहोस् ।
 
https://www.facebook.com/rkbpictevt
 
नि:शुल्क तालिम सम्बन्धि थप जानकारीको लागि श्रम कल सेन्टरको नम्वर ११४१ मा सम्पर्क गर्न वा https://www.feb.gov.np मा गई जानकारी लिन सकिन्छ ।
 
Tags:-
१.वैदेशिक रोजगार २. सहायक स्काफफोल्डिंग ३. इलेक्ट्रीसियनको नि:शुल्क तालिम ४. मेसन ५. वेटरको नि:शुल्क तालिम
 
लहान बहुप्राविधिक शिक्षालय (Lahan Technical School)

वैदेशिक रोजगारमा जानेहरुलाई सहायक वेल्डर, इलेक्ट्रीसियन र मेसनको नि:शुल्क तालिम प्रदान गर्ने गरी वैदेशिक रोजगार बोर्डको सचिवालय र लहान बहुप्राविधिक शिक्षालयबीच सम्झौता भएको छ । सिरहाको लहानमा अवस्थित यस संस्थाका बारेमा थप जानकारीका लागि तलको लिंकमा क्लीक गर्नुहोस् ।
 
https://www.facebook.com/lahantechnical/
 
नि:शुल्क तालिम सम्बन्धि थप जानकारीको लागि श्रम कल सेन्टरको नम्वर ११४१ मा सम्पर्क गर्न वा https://www.feb.gov.np मा गई जानकारी लिन सकिन्छ ।
 

Tags:-
१.सहायक वेल्डर २. इलेक्ट्रीसियनको नि:शुल्क तालिम ३. मेसनको तालिम ४. वैदेशिक रोजगारमा जानेहरुलाई तालिम ५. वैदेशिक रोजगार
 
बालाजु स्कूल अफ इन्जिनियरिङ् एण्ड टेक्नोलोजी (Balaju School of Engineering and Technology – BSET)

आर्थिक वर्ष २०७९/८० को लागि वैदेशिक रोजगार बोर्डको सचिवालय र बालाजु स्कूल अफ इन्जिनियरिङ् एण्ड टेक्नोलोजी बीच वैदेशिक रोजगारमा जान चाहनेहरुका लागि सहायक टाइल मार्वल फिक्स्चर, सहायक वेल्डर, इलेक्ट्रीसियन, मेसन, सटरिंग कारपेन्ट्रीको नि–शुल्क तालिमको लागि सम्झौता रहेको छ । काठमाडौको बालाजुमा रहेको यस तालिम केन्द्रले प्रदान गर्ने तालिमहरुका सम्वन्धमा थप जानकारी लिन तलको लिंकमा क्लीक गर्नुहोस् ।
 
www.bset.edu.np
 
नि:शुल्क तालिम सम्बन्धि थप जानकारीको लागि श्रम कल सेन्टरको नम्वर ११४१ मा सम्पर्क गर्न वा https://www.feb.gov.np मा गई जानकारी लिन सकिन्छ ।
 

Tags:-
१.टाइल मार्वल फिक्स्चर २. वेल्डर ३. सटरिंग कारपेन्ट्री ४. नि–शुल्क तालिम ५. वैदेशिक रोजगार बोर्ड
 
शंखरापुर बहुप्रविधिक शिक्षालय

आर्थिक वर्ष २०७९/८० को लागि वैदेशिक रोजगार बोर्डको सचिवालयले शंखरापुर बहुप्रविधिक शिक्षालयसँग वैदेशिक रोजगारमा जान चाहनेहरुका लागि सहायक एल्मुनियम फेब्रिकेटर, इलेक्ट्रीसियन र मेसनको नि:शुल्क तालिम सञ्चालन गर्नेगरी सम्झौता गरेको छ । यो शिक्षालयले काठमाडौं र झापामा तालिमहरु सञ्चालन गर्दछ । यस संस्थाको बारेमा थप जानकारीको लागि तलको लिंकमा क्लीक गर्नुहोस् ।
 
www.spictevt.edu.np
 
नि:शुल्क तालिम सम्बन्धि थप जानकारीको लागि श्रम कल सेन्टरको नम्वर ११४१ मा सम्पर्क गर्न वा https://www.feb.gov.np मा गई जानकारी लिन सकिन्छ ।
 

Tags:-
१.एल्मुनियम फेब्रिकेटर २. इलेक्ट्रीसियन ३. मेसन ४. नि–शुल्क तालिम ५. वैदेशिक रोजगार
 
शुक्लाफाँट बहुप्राविधिक शिक्षालय (Suklaphanta Polytechnic Institute)

वैदेशिक रोजगारमा जानेहरुलाई सहायक वेल्डर, इलेक्ट्रीसियन, हाउस पेन्टर, मेसन र स्टिल फिक्सरको नि:शुल्क तालिम सञ्चालनका लागि वैदेशिक रोजगार बोर्डले सम्झौता गरेको एउटा तालिम प्रदायक संस्था हो शुक्लाफाँट बहुप्राविधिक शिक्षालय । यो संस्था कञ्चनपुर जिल्लाको झलारीमा रहेको छ । सो संस्थाले प्रदान गर्ने तालिमहरुका सम्वन्धमा थप जानकारीको लागि तलको लिकमा क्लीक गर्नुहोस् ।
 
www.spi-ctevt.edu.np
 
नि:शुल्क तालिम सम्बन्धि थप जानकारीको लागि श्रम कल सेन्टरको नम्वर ११४१ मा सम्पर्क गर्न वा https://www.feb.gov.np मा गई जानकारी लिन सकिन्छ ।
 

Tags:-
१.वेल्डर २. इलेक्ट्रीसियन ३. पेन्टर ४. स्टिल फिक्सर ५. वैदेशिक रोजगार
 
सहिद कृष्णसेन इच्छुक बहुप्राविधिक शिक्षालय (Shaheed KrishnaSen Ichchhuk Polytechnic Institute)

वैदेशिक रोजगारमा जानेहरुलाई सहायक टाइल मार्बल फिक्स्चर, इलेक्ट्रीसियन, हाउस पेन्टर, किचन हेल्पर र मेसनको नि:शुल्क तालिम दिनेगरी सहिद कृष्णसेन इच्छुक बहुप्राविधिक शिक्षालय र वैदेशिक रोजगार बोर्डबीच सम्झौता रहेको छ । दाङको घोराही उपमहानगरपालिकामा यो शिक्षालय अवस्थित छ । सो शिक्षालयका बारेमा थप जानकारीको लागि तलको लिंकमा क्लीक गर्नुहोस् ।
 
www.skipi.edu.np
 
नि:शुल्क तालिम सम्बन्धि थप जानकारीको लागि श्रम कल सेन्टरको नम्वर ११४१ मा सम्पर्क गर्न वा https://www.feb.gov.np मा गई जानकारी लिन सकिन्छ ।
 
Tags:-
१.टाइल मार्बल फिक्स्चर २. इलेक्ट्रीसियन ३. पेन्टर ४. स्टिल फिक्सर ५. वैदेशिक रोजगारमा जान चाहनेहरु
 
सेती प्राविधिक शिक्षालय (Seti Technical School)

वैदेशिक रोजगारमा जान चाहनेहरुलाई इलेक्ट्रीसियन, हाउस पेन्टर, जुनियर फर्निचर मेकर र मेसनको नि:शुल्क तालिम प्रदान गर्नेगरी सेती प्राविधिक विद्यालय र वैदेशिक रोजगार बोर्डबीच सम्झौता रहेको छ । यो शिक्षालय डोटीको दिपायल सिलगढी नगरपालिकामा अवस्थित छ । थप जानकारीको लागि तलको लिंकमा क्लीक गर्नुहोस् ।
 
www.stsdipayal.edu.np
 
नि:शुल्क तालिम सम्बन्धि थप जानकारीको लागि श्रम कल सेन्टरको नम्वर ११४१ मा सम्पर्क गर्न वा https://www.feb.gov.np मा गई जानकारी लिन सकिन्छ ।
 
Tags:-
१.सेती प्राविधिक विद्यालय २. इलेक्ट्रीसियन ३. जुनियर फर्निचर मेकर ४. नि:शुल्क तालिम ५. वैदेशिक रोजगार
 
सुरक्षित आप्रवासन (सामी) कार्यक्रम अन्तर्गतका नि:शुल्क सीपमुलुक तालिमहरु

सीप सिकेर वैदेशिक रोजगारमा जान चाहनेहरुका लागि सुरक्षित आप्रवासन परियोजना (सामी) ले विभिन्न तालिम प्रदायक संस्थाहरुमा नि:शुल्क तालिम सञ्चालन गर्ने व्यवस्था गरेको छ । यस्तो तालिम लिनेहरुलाई तालिम अवधिभर खान, बस्न पनि नि:शुल्क हुन्छ । यस्तो तालिम लिन चाहनेहरुले तालिम लिन आउँदा नागरिकताको सक्कल प्रति र, पासपोर्ट/रशिदको सक्कल वा प्रष्ट बुझिने फोटोकपी लिएर आउनु पर्दछ ।
 
तालिम लिन चाहने व्यक्तिले आवेदन दिन http://shorturl.at/hjCO5 मा क्लीक गरी फारम भर्नुपर्दछ ।

जोर्डन (Jordan)

जोर्डनका छिमेकी मुलुकहरू हुन् साउदी अरेविया, इराक, सिरिया र इजरायल । जोर्डनको धेरैजसो भू–भाग जमिनले घेरिएको छ भने इजरायलको सीमामा मृत सागर पर्दछ । प्राकृतिक सुन्दरताले भरिएको मुलुक जोर्डनमा धेरै विदेशी पर्यटक घुम्न जाने गर्दछन् । जोर्डनको राजधानीको नाम अम्मान हो । अम्मान छिमेकी देश इजरायलबाट नजिकै पर्दछ । जोर्डनको मुख्य आर्थिक, प्रशासनिक, राजनीतिक केन्द्र अम्मान नै हो ।  जोर्डनमा सामान्यतया अंग्रेजी महिनाको जुन देखि अगष्ट महिनासम्म गर्मी हुन्छ भने डिसेम्बरदेखि फेब्रुअरी महिनासम्म जाडो हुनु गर्दछ । गर्मीयाममा शरीरबाट धेरै पसिना बग्ने हुनाले स्वास्थ्य समस्याबाट बच्नका लागि प्रशस्त मात्रामा पानी पिउनु आवश्यक हुन्छ ।

जोर्डन सम्बन्धि थप जानकारी लिनको लागि वैदेशिक रोजगार बोर्डको सचिवालयको वेबसाइट

https://feb.gov.np/extra_upload/5d667517a46f7_Inner_Prawas_Diary_2076_CTP_Final.pdf   बाट फाइल डाउनलोड़ गरी अध्ययन गर्नुहोस् । 
 
जोर्डनको मौसमी वातावरण कस्तो हुन्छ ? 

सामान्यतया जोर्डनमा गर्मी समय भनेको जुन महिनादेखि शुरु भएर अगष्ट महिनासम्म रहन्छ भने जाडो समय डिसेम्बरदेखि फेव्रुअरी महिनासम्म रहने गर्दछ । अगष्ट महिना निक्कै गर्मी हुने महिना हो । जनवरी महिना निक्कै जाडो हुने समय हो । गर्मीयाममा शरीरबाट धेरै पसिना बग्ने हुनाले स्वास्थ्य समस्याबाट बच्नका लागि प्रशस्त मात्रामा पानी पिउनु आवश्यक हुन्छ ।
 

Tags:-
१.जोर्डन २. जोर्डनमा नेपाली श्रमिक ३.  मध्यपूर्व ४. नेपाली दूतावास कायरो ५. रोजगारी

इजरायल (Israel)

नेपाल र इजरायलबीच श्रमिक पठाउने र लिने विषयमा वि.सं २०७७ मा श्रम सम्झौता भएको छ । इजरायलमा नेपालबाट खासगरी वृद्धवृद्धाहरुको स्याहार (केयरगिभर) र कृषि तथा पशुपालन क्षेत्रको काममा श्रमिकहरू जाने गर्दछन् । धेरै गर्मी, धेरै चिसो, औषत तापक्रम सवैखालको हावापानी रहेको इजरायलमा बहुसंख्यक नागरिक यहुदी छन् । खेतीयोग्य जमिन थोरै भए पनि आधुनिक कृषि प्रणाली प्रयोग गरेको इजरायल खाद्यान्नमा लभभग आत्मनिर्भर रहेको छ ।  इजरायलको राजधानी जेरुसेलम हो । इजरालयको मुद्रालाई न्यू इजरायली सिकेल भनिन्छ । 
 

इजरायल सम्बन्धि थप जानकारी लिनको लागि वैदेशिक रोजगार बोर्डको सचिवालयको वेबसाइट
 
https://feb.gov.np/extra_upload/5d667517a46f7_Inner_Prawas_Diary_2076_CTP_Final.pdf बाट फाइल डाउनलोड़ गरी अध्ययन गर्नुहोस् । 
 
इजरायलको मौसम कस्तो हुन्छ ?

भौगोलिक विविधता रहेको इजरायलमा मौसममा पनि विविधता छ । मरुभूमिदेखि हरिया पहाडसम्म रहेको इजरायलको कुनै भागमा बढी गर्मी तथा कुनै भागमा बढी चिसो हुने गर्दछ । जनवरी, फेब्रुअरी महिनामा बढी चिसो हुने गर्दछ । इजरायलमा न्युनत्तम १५ डिग्री सेल्सियस देखि लिएर अधिकत्तम तापक्रम २७ डिग्री सेल्सियस सम्म रहेको हुन्छ । 
 
इजरायलको मौसम सम्बन्धि थप जानकारी लिन यो लिंकमा
 
https://www.climatestotravel.com/climate/israel क्लिक गरी हेर्न सक्नुहुनेछ । 

 
Tags:-
१.इजरायल २. नेपाल र इजरायल श्रम सम्झौता ३. नेपाली राजदुतावास इजरायल ४. श्रम सम्झौता ५. कल्याणकारी कोष
 

इजरायलमा रोजगारीका लागि जाने नेपाली श्रमिकले सो मुलुकको बारेमा जानकारीका साथै दैनिक कामकाजमा आवश्यक पर्ने भाषा लगायतको जानकारीका लागि तलको लिंकमा क्लीक गरि अध्ययन गर्न सक्नुहुन्छ ।
 
https://www.feb.gov.np/extra_upload/620b9056d9eca_Handbook%20Setting%20Isreal%20final%20file.pdf
 

Tags:-
१.इजरायल २. गन्तव्य मुलुक ३. इजरायलको रोजगारी ४. भाषाको ज्ञान ५. वैदेशिक रोजगार

माल्टा (Malta)

श्रम स्वीकृति लिएर रोजगारीका लागि जान खुल्ला गरिएको मुुलुक हो माल्टा । पर्यटकहरुको आकर्षण रहेको सो मुलुकमा होटेल, रेस्टुरेन्टको क्षेत्रमा विदेशी श्रमिकहरुले काम गर्ने गर्दछन् । मौषम सामान्य हुन्छ, असाध्यै गर्मी र धेरै जाडो हुन्न । माल्टाको बोलिने भाषा मल्तिश हो । मल्तिश वाहेक अंग्रेजी भाषा बोलिन्छ । युरोपेली देश माल्टाको मुद्रा युरो हो । सो मुलुकमा क्रिश्चियन धर्म मान्नेहरुको बाहुल्यता रहेको छ ।
 
माल्टाका बारेमा अंग्रेजी भाषामा थप जानकारी अध्ययन गर्न चाहनुहुन्छ भनें तलको लिंकमा क्लीक गर्नुहोस् ।
 
https://roadsandkingdoms.com/2015/know-before-you-go-to-malta
 

Tags:-
१.माल्टा २. शेन्जेन क्षेत्र ३. युरोप ४. युरोपमा रोजगारी ५. युरोपमा नेपाली

पोल्याण्ड (Poland)

मध्य युरोपमा पर्ने पोल्याण्डको राजधानी वारसा हो । सो मुलुकको आधिकारिक भाषा पोलिश हो । पोल्यान्डमा अन्य युरोपियन देशहरुमा भन्दा विविध वातावरण पाइन्छ । सो मुलुकमा सेप्टेम्बरदेखि नोभेम्बर महिनासम्म शरद ऋतु,; डिसेम्बर देखि फेब्रुअरीसम्म जाडो तथा मार्च देखि मईसम्म वसन्त; र जुन देखि अगस्टसम्म गर्मी हुन्छ ।
 

पोल्याण्डका बारेमा अंग्रेजी भाषामा थप जानकारी अध्ययन गर्न चाहनुहुन्छ भनें तलको लिंकमा क्लीक गर्नुहोस् ।
 
https://www.trafalgar.com/real-word/facts-poland 
 

Tags:-
१.पोल्याण्ड २. युरोप ३. युरोपको रोजगारी ४. शेन्जेन क्षेत्र ५. युरोपमा आप्रवासी श्रमिक
 
पोर्चुगल (Portugal)

पोर्चुगल पश्चिमी यूरोपमा पर्दछ । सो मुलुकको आधिकारिक भाषा पोर्चुगिज हो । पछिल्लो समयमा रोजगारीका लागि युरोप जाने नेपालीको रोजाईको मुलुक हो पोर्चुगल । त्यहाँ नेपाली श्रमिकहरु सेवा क्षेत्र, कलकारखाना र कृषि क्षेत्रको रोजगारीका लागि जाने गरेका छन् ।
 
पोर्चुगलका बारेमा अंग्रेजी भाषामा थप जानकारी अध्ययन गर्न चाहनुहुन्छ भनें तलको लिंकमा क्लीक गर्नुहोस् ।
 
https://www.bbc.com/news/world-europe-17758217
 

Tags:-
१.पोर्चुगल २. शेन्जेन क्षेत्र ३. युरोपको रोजगारी ४. युरोपमा नेपाली ५. आप्रवासी श्रमिक
 
शेन्जेन क्षेत्र

युरोपेली संघका सदस्य मुलुकहरू बीचको एउटा सम्झौता शेन्जेन क्षेत्र हो जसले ति मुलुकका नागरिकहरुलाई एउटा मुलुकबाट अर्को मुलुकमा आवतजावत गर्न भिसा आवश्यक पर्दैन । शेन्जेन क्षेत्रमा पर्ने देशहरु बेल्जियम, चेक गणतन्त्र, डेनमार्क, जर्मनी, इस्टोनिया, ग्रीस, स्पेन, फ्रान्स, इटाली, लाटभिया, लिथुआनिया, लक्जमबर्ग, हंगेरी, माल्टा, नेदरल्यान्ड्स, अस्ट्रिया, पोल्याण्ड, पोर्चुगल, स्लोभेनिया, स्लोभाकिया, फिनल्याण्ड, आइसल्याण्ड, लिक्टेनस्टाइन र नर्वे स्वीडेन र स्विजरल्याण्ड हुन् । ति मुलुकमा प्रचालित मुद्रालाई यूरो भनिन्छ । ति मुलुकहरुमा आफ्नो देश अनुसार राष्ट्रिय भाषा प्रयोग गरिन्छ । जर्मन र फ्रेञ्च भने प्राय: सबै मुलुकहरुमा प्रयोग हुन्छ ।
 
शेञ्जेन क्षेत्रका बारेमा अंग्रेजी भाषामा थप जानकारी अध्ययन गर्न चाहनुहुन्छ भनें तलको लिंकमा क्लीक गर्नुहोस् ।
 
https://www.worldtrips.com/schengen-visa
 
युरोपियन देशहरुको मौसमी वातावरण कस्तो हुन्छ ?

युरोपियन देशहरु पृथ्वीको उत्तर धुर्वामा अवस्थित रहने भएकोले प्राय चिसो खालको मौसम हुन्छ । तर धेरैजसो पश्चिमी यूरोपमा समुद्री जलवायु छ, जसमा चिसोदेखि तातो गर्मी हुन्छ । सो क्षेत्र बारम्बार बादलले ढाकिएको आकाश भएको हुँदा चिसो जाडो हुन्छ। दक्षिणी युरोपमा एक विशिष्ट भूमध्यसागरीय हावापानी छ, जसमा तातो देखि सुख्खा गर्मी र चिसो देखि हल्का जाडो र बारम्बार घमाइलो आकाश हुन्छ। युरोपमा औषत अधिकत्तम तापक्रम २७ डिग्री सेल्सियस हुन्छ भने औसत न्युनत्तम तापक्रम माइनस ५ डीग्री सेल्सियस हो ।
 
युरोपियन देशहरुको दैनिक तथा मासिक वातावरण सम्बन्धि थप जानकारी लिन यो वेवसाईटमा https://weather.com/ हेर्न सकिनेछ ।
 

Tags:-
१.शेन्जेन क्षेत्र २. युरोपको रोजगारी ३. युरोपमा नेपाली ४. युरोपमा अप्रवासी श्रमिक ५. युरोपमा समस्या